Skip to main content

Shayad Wo Pyaar nhi....!!!

Pehli nazar me tumne use dekha aur usne tumhe... 
Aur is love at first sight ko tum mohabbat keh rahe ho... 
To ho sakta hain tum galat ho…!

Kyo ki yaar pehli nazar mein to hume antique chize bhi pasand aa jati hain
Par hum use ghar me rakhte hain dikhane ke liye... 

Bas kyu ki der raat tak tum dono ek dusre se dherssari baate karte ho... 
Aur ise tum mohabbat samajhte ho... 
To ho sakta hain tum galat ho…!

Kyonki yaar akelepan ke maare to do anjaan musafir bhi ek dusre se baat kar hi lete hain... 

Are agar kisi ladki ko dekh kar wo tumhara hath pakad leti hain...
Aur kisi ladke ko dekh kar tum uska...
Aur is cute jealousy ko tum mohabbat keh rahe ho...
To ho sakta hain tum galat ho…!

Kyo ki yaar parindon ko pakda jata hain pinjare me kaid karne ke liye
Unhe azad karne ke liye nahi..

Bas kyo ki ab tum dono ek dusre ki baato ko samajh paa rahe ho 
Aur ise tum mohabbat kehte ho 
To ho sakta hain tum galat ho….!

Kyo ki yaad rakho..!  
2 bhukhe bhikhari bhi ek dusre ki bhukh samajh sakte hain 
Par mita nahi sakte..

Are agar tum anniversary ka celebration har mahine kar rahe ho...
Aur ise tum mohabbat kehte ho 
To ho sakta hain tum galat ho….!

Kyo ki Dastan-e-Ishq ko bayaan karne ke liye, Saal ka koi number nahi chahiye hota..

Are bas kyo ki tum uski insta stories ka 
Aur wo tumhari snap-stories ka hissa ban chuki hain... 
Aur ise tum mohabbat kehte ho 
To ho skta hain tum galat ho….!

Kyo ki yaar mohabbat ko filtero ke sath save nahi kiya jata, 
Use bas usi lamhe me jiya jata hain... 

Haa lekin agar jismo mein ulzne se pehle tum uski zulfo mein ulzna chahte ho
Agar wo bekhauf apna bachpana tumhare samne zaya kar deti hain,

Agar uske kapdo ke beparda hone se pehle,
Tumne apne sare raaz uske samne khol diye,
Aur usne bhi apne sare dar ka zikr tumhare samne kar diya hain...

Agar uska har aansoo tumhare hi kameez par behta ho,
Aur tumhare muskan ki wajah uski nadaniyaan ho,
To shayad, shayad nahi yaar yahi pyar hain...

Aur agar ye yahi pyar hain aur agar ye pyaar tumhe mil gaya hain to 
Ise pakad lo, jakad lo, gale laga lo aur jaha kahi bhi mauka mile bas ise kehte raho 
Ke tum use kitna pyar karte ho 
Kyonki aisi mohabbat se mulaqaat hone me zindagi ka ek kafi lamba arsa beet jata hain…


                                       -Yahya Bootwala
                                              | Spill Poetry
 

Comments

Post a Comment

Popular posts from this blog

Mujhe aaj ke generation wala pyaar karna hi nahi aata

Kabhi kabhi main khud se poochhta hoon… "Main galat hoon kya?" Kya main hi pyaar ko galat tareeke se samajhta hoon? Lekin phir dil ke kisi kone se awaaz aati hai – "Nahi… tu bas thoda alag hai." Dekho na… Main toh uss generation se hoon jahan ek 'Hi' se rishta shuru hota tha, aur ek 'tum hi ho' tak pohochne mein waqt lagta tha… Aaj toh 'seen' hone mein hi sab kuch khatam ho jaata hai. Ek baar hua tha… Kisi ko dil se chaha, waada kiya tha ki chhodenge nahi… Par kuch mahine baad usne kaha, “Tu acha hai, par ab feel nahi aati.” Aur main bas chup raha. Shayad us waqt samjha… mujhe aaj ke generation wala pyaar karna hi nahi aata. Kyunki main toh ek ke saath rehna chahta hoon, aur ye log… har naye emotion ke liye naya insaan dhoond lete hain. Main rishte nibhaane mein vishwas karta hoon, ye log toh delete chat karne mein expert ho gaye hain. Main yaadon mein jeeta hoon, ye log toh stories expire hone ke sath feelings bhi expire kar dete hain. Toh h...
Post a Comment
Read more

Main toh sirf tera tha…

Tune jo na kaha Main woh sunta raha Khamakha bewajah khwaab bunta raha Jaane kiski humein lag gayi hai nazar Is shehar mein na apna thikana raha..  Kabhi kabhi na… kuch log tumhari zindagi ka hissa toh bante hain, lekin kahani ka nahi… A boy proposes, she rejects, but he always loved her. 🎤 Introductory Monologue: Kuch pyaar adhure hote hain, lekin unka ehsaas zindagi bhar rehta hai... Aaj jo kahani main sunane ja raha hoon, Woh ek aise ladke ki hai jisne dil se chaha, Dil se socha… aur dil se nibhaaya... Lekin uske pyaar ka anjaam – ek ‘ na ’ tha. Na main us ladki se shikwa karne aaya hoon, Na duniya ko uski galti batane... Main toh bas apne jazbaat, Kuch lafzon mein jeene aaya hoon… Aur haan… yeh mera pehla performance hai, Isliye agar lafz thoda kaap gaye… Toh samajh lena, ehsaas sacche hain… Shaayad aap bhi… kahin na kahin… Us ladke mein khud ko dekh paayein… 🎙️ Poetry Title: “Main Toh Sirf Tera Tha” Pehli baar jab dekha tha tumhein, Waqt ruk gaya tha, aur...
Post a Comment
Read more

Ek cup Chai Ki Kahani

Kahte hain na… kuch cheezein badi mamuli si lagti hain, par unke bina zindagi adhoori si lagti hai. Mere liye… wo cheez hai – ek cup chai. Jab pehli baar ghar chhoda tha na… ghar se door, ek ajnabi sheher mein – har subah ki shuruaat ajnabi lagti thi, par wahi canteen wale bhaiya ki adrak wali chai... dheere dheere us sheher ko apna bana gayi. Chai sirf swaad nahi deti... saath deti hai. Kabhi tapakti baarish mein, chhat par baithkar...cup haath mein aur khayalon mein wo shakhs… jo ab door hai, par har chai ki chuski mein aaj bhi maujood hai. Kabhi college ki canteen Mein, jab jeb mein paise kam hote the, par dost bolte the – "Abey chhod, ek chai meri taraf se!" Wo chai… dosti ka doosra naam thi. Aur maa? Maa ki banayi subah ki pehli chai… bas usmein shakkar nahi… mamta ghuli hoti thi. Aaj bhi jab thak kar aata hoon… toh chai mujhe gale lagati hai. Kahti hai – "Chal baith, aaj phir se thoda jee lete hain." Chai… wo khamosh sa rishta hai, jo har mod par saath deta ha...
Post a Comment
Read more