Kya ho tum?

Tumse waisi dosti bhi nhi hai, 

Rishta hamaara utna chadha bhi nhi hai, Bas baatein hoti hai tumse woh bhi rozz toh shayad hoti nhi hai.

Phir kyun break up jaisa feel hota hai mujhe,

Jab tumse baat nahi hoti meri

Yeh break up wala dard bina relationship ke mil jaata hai, 

Kya ho tum? Tum toh kuch lagti bhi

nhi ho meri.

Main kisi ke itna peeche nahi padta magar tum rooth jaati ho toh tumhe manaana accha lagta hai, 

Main ludo palat dene waala insaan hoon, jab haarne lagta hoon, 

Par ek tumhari hasi ke liye pata nhi kyun haar jaana bhi accha lagta hai.

Mere saath kuch bhi ghat'ta hai na main sabse pehle tumhe batana chahta hoon, 

Kya huwa tum aaj kal itni pareshan kyun ho, Uske peeche ki tumse saari kahaani sun'na chahta hoon.

Tumse koi rishta nhi hai phir bhi

Juda hua sa lagta hoon tumse

Ya hai koi rishta?

Waise tumhari hasi badi pyari hai, 

Aayine ne toh kaha hi hoga, 

Tum bohot kareeb ho mere dil ke

kahin na kahin tumhe pata hi hoga.

Kisiko chaahne ka koi thikaana nhi hota

Issiliye ab kab kaise kyun mat pucho

Tum acche lagte ho, Bas acche lagte ho....

Kuch toh zaroor hai tum mein, 

nhi toh itni badi duniya thi

Tum hi kyun aaye dil mein?

Tumhara saath accha lagta hai, 

Tumhare saath accha lagta hai

Mere mazaak pe haso ya mujhpe

mazaak bane toh haso

Bas hasne ka andaaz accha lagta hai...

Mere khayal tum par hi theherte hain 

Main samajh nhi paata antar ki yeh

khayal hi hain ya tum khud ho

Sirf itna samajhlo bas

Tum hi ab dil ho

Tum mein dil hai ya tum dil mein ho... 

Yeh zyaada gehra ho gaya? 

Toh kuch iss tarah samajh lo 

Tum acche lagte ho Bas acche lagte ho...