Skip to main content

I am so in love with you.

Mujhe pata hai ye baat tumne pehle bhi suni hogi kayi logo ke mu se, aur tumhara vishwaas khatm ho gaya hai is sab se...

Lekin, main, sirf kehne ke liye nahi keh raha hai, main ye baat bahut himmat jutane ke baad keh raha hoon... 


Main tumse bahut pyaar karta hoon, aur yakeenan pure hosh-o-hawaas mein ye baat keh ra hoon.... 


Bahut zyada pyaar karne laga hoon tumse, bahut zyada fikr hone lagi hai tumhari, tumhe khone ke khayal se hi mujhe darr lagne lagta hai.... 


Par jab bhi tumse baat hoti hai, Din bhar ki saari negativity door ho jaati hai, I'm so in love with you.


Mann karta hai tumse baat karu, mann karta hai tumhare kareeb aau, tumhara khayal rakhu, tum Jab batein karti ho tab aisa lagta hai ki inhe sunta-hi rahu, sunta-hi rahu....


Bas tumhein apni baaho mein kaid kar, apna banane ka dil karta hai....


Ye baatein bas baatein nahi hain, ye mere dil ka haal hai, jo puri kaabiliyat rakhta hai inhein haqeeqat mein karne ki.... 


Zarurat hai to bas itni ki tumhara vishwaas chahiye, atoot vishwaas, jo pareshani ayengi unhein mil ke face karenge aur khatm karenge.... 


Hum kabhi bhi Me vs. You. nahi honge, hum humesha We against world hi rahenge....


"Tum bas saath nibhana." 

Comments

Post a Comment

Popular posts from this blog

Mujhe aaj ke generation wala pyaar karna hi nahi aata

Kabhi kabhi main khud se poochhta hoon… "Main galat hoon kya?" Kya main hi pyaar ko galat tareeke se samajhta hoon? Lekin phir dil ke kisi kone se awaaz aati hai – "Nahi… tu bas thoda alag hai." Dekho na… Main toh uss generation se hoon jahan ek 'Hi' se rishta shuru hota tha, aur ek 'tum hi ho' tak pohochne mein waqt lagta tha… Aaj toh 'seen' hone mein hi sab kuch khatam ho jaata hai. Ek baar hua tha… Kisi ko dil se chaha, waada kiya tha ki chhodenge nahi… Par kuch mahine baad usne kaha, “Tu acha hai, par ab feel nahi aati.” Aur main bas chup raha. Shayad us waqt samjha… mujhe aaj ke generation wala pyaar karna hi nahi aata. Kyunki main toh ek ke saath rehna chahta hoon, aur ye log… har naye emotion ke liye naya insaan dhoond lete hain. Main rishte nibhaane mein vishwas karta hoon, ye log toh delete chat karne mein expert ho gaye hain. Main yaadon mein jeeta hoon, ye log toh stories expire hone ke sath feelings bhi expire kar dete hain. Toh h...
Post a Comment
Read more

Main toh sirf tera tha…

Tune jo na kaha Main woh sunta raha Khamakha bewajah khwaab bunta raha Jaane kiski humein lag gayi hai nazar Is shehar mein na apna thikana raha..  Kabhi kabhi na… kuch log tumhari zindagi ka hissa toh bante hain, lekin kahani ka nahi… A boy proposes, she rejects, but he always loved her. 🎤 Introductory Monologue: Kuch pyaar adhure hote hain, lekin unka ehsaas zindagi bhar rehta hai... Aaj jo kahani main sunane ja raha hoon, Woh ek aise ladke ki hai jisne dil se chaha, Dil se socha… aur dil se nibhaaya... Lekin uske pyaar ka anjaam – ek ‘ na ’ tha. Na main us ladki se shikwa karne aaya hoon, Na duniya ko uski galti batane... Main toh bas apne jazbaat, Kuch lafzon mein jeene aaya hoon… Aur haan… yeh mera pehla performance hai, Isliye agar lafz thoda kaap gaye… Toh samajh lena, ehsaas sacche hain… Shaayad aap bhi… kahin na kahin… Us ladke mein khud ko dekh paayein… 🎙️ Poetry Title: “Main Toh Sirf Tera Tha” Pehli baar jab dekha tha tumhein, Waqt ruk gaya tha, aur...
Post a Comment
Read more

Ek cup Chai Ki Kahani

Kahte hain na… kuch cheezein badi mamuli si lagti hain, par unke bina zindagi adhoori si lagti hai. Mere liye… wo cheez hai – ek cup chai. Jab pehli baar ghar chhoda tha na… ghar se door, ek ajnabi sheher mein – har subah ki shuruaat ajnabi lagti thi, par wahi canteen wale bhaiya ki adrak wali chai... dheere dheere us sheher ko apna bana gayi. Chai sirf swaad nahi deti... saath deti hai. Kabhi tapakti baarish mein, chhat par baithkar...cup haath mein aur khayalon mein wo shakhs… jo ab door hai, par har chai ki chuski mein aaj bhi maujood hai. Kabhi college ki canteen Mein, jab jeb mein paise kam hote the, par dost bolte the – "Abey chhod, ek chai meri taraf se!" Wo chai… dosti ka doosra naam thi. Aur maa? Maa ki banayi subah ki pehli chai… bas usmein shakkar nahi… mamta ghuli hoti thi. Aaj bhi jab thak kar aata hoon… toh chai mujhe gale lagati hai. Kahti hai – "Chal baith, aaj phir se thoda jee lete hain." Chai… wo khamosh sa rishta hai, jo har mod par saath deta ha...
Post a Comment
Read more