Skip to main content

Khatm ho gaya....

Ek waqt tha jab din guzar jaate the, ratein guzar jaati thi, lekin baato ka silsila kabhi khatm nahi hota tha...


Saara din tumhari bak bak sunna, tumhari yaha waha ki baatein sunna, stupid jokes, tumhara apne jazbaat ko bayaan karna, matlab us har ek cheez pe pyaar aane laga tha jo humare darmiyan hoti thi... 


Tumhare message ki notification dekh ke muskura deta tha, Tumhari call dekh kar chehra khilkhila uth ta tha, Tumhari video call se mann excitement mein uchhal hi jaata tha...


Phir na jaane kya hua, Is phool se rishte ko jaise kisi ki nazar hi lag gayi... 


Ladai jhagde hone lage, Galatfehmiyo ne ek ghar bana liya humare dilo me, Na jaane kaha se ego bhi aane laga... 


Jaha ek taraf sirf hum ek dusre ke baare mein sochte the wahi ab hum sirf apne baare mein sochne lage the...


Jaha jhagde ek dusre ke liye hote the, wahi jhagde ek dusre se hone lage the...


Har din ghutan hone lagi, Jitni zyada koshish karte cheezo ko thik karne ki, Halaat utne bigadte chale jaate... 


Jaha baatein din raat hoti thi, Waha din se raat tak ke faasle aane lage, kyunki jab bhi baat karo ladai ho jaye, aakhir kaise ek dusre ko samjhein, Kaise apni apni pareshaniya ek dusre ko samjhayein kuch samajh hi nahi aata tha...


Ye faasle, 1-1 din kar ke, 2-4 dino mein badalne lage, wo 2-4 din hafto mein badalne lage aur wo hafte mahino me... 


Dheere dheere kar ke jo rishta humne banaya tha, us rishte mein puri tarah darar pad gayi... 


Aur is bheed mein kahi gum gaya...

Kahi kho sa gaya...


Aisa koi bahut bada jhagda nahi hua, lekin sab kuch dheere dheere khatm ho gaya, koshish bahut kari bachane ki, usne bhi maine bhi, par jaise humein koi ek dusre se kheech raha tha... 


Yaadein bahut thi, choti choti, badi badi, bas wo ab thoda pareshan karti hain, koshish yahi rehti hai uske baare me na sochu, par aisa mumkin kabhi ho na saka... 


Acha khasa tha sab, Par khatm ho gaya... 


Roz khud ko samjha kar move on karne ki koshish karta rehta hoon...


Acha khasa tha sab, Par khatm ho gaya... 

Comments

Post a Comment

Popular posts from this blog

Mujhe aaj ke generation wala pyaar karna hi nahi aata

Kabhi kabhi main khud se poochhta hoon… "Main galat hoon kya?" Kya main hi pyaar ko galat tareeke se samajhta hoon? Lekin phir dil ke kisi kone se awaaz aati hai – "Nahi… tu bas thoda alag hai." Dekho na… Main toh uss generation se hoon jahan ek 'Hi' se rishta shuru hota tha, aur ek 'tum hi ho' tak pohochne mein waqt lagta tha… Aaj toh 'seen' hone mein hi sab kuch khatam ho jaata hai. Ek baar hua tha… Kisi ko dil se chaha, waada kiya tha ki chhodenge nahi… Par kuch mahine baad usne kaha, “Tu acha hai, par ab feel nahi aati.” Aur main bas chup raha. Shayad us waqt samjha… mujhe aaj ke generation wala pyaar karna hi nahi aata. Kyunki main toh ek ke saath rehna chahta hoon, aur ye log… har naye emotion ke liye naya insaan dhoond lete hain. Main rishte nibhaane mein vishwas karta hoon, ye log toh delete chat karne mein expert ho gaye hain. Main yaadon mein jeeta hoon, ye log toh stories expire hone ke sath feelings bhi expire kar dete hain. Toh h...
Post a Comment
Read more

Main toh sirf tera tha…

Tune jo na kaha Main woh sunta raha Khamakha bewajah khwaab bunta raha Jaane kiski humein lag gayi hai nazar Is shehar mein na apna thikana raha..  Kabhi kabhi na… kuch log tumhari zindagi ka hissa toh bante hain, lekin kahani ka nahi… A boy proposes, she rejects, but he always loved her. 🎤 Introductory Monologue: Kuch pyaar adhure hote hain, lekin unka ehsaas zindagi bhar rehta hai... Aaj jo kahani main sunane ja raha hoon, Woh ek aise ladke ki hai jisne dil se chaha, Dil se socha… aur dil se nibhaaya... Lekin uske pyaar ka anjaam – ek ‘ na ’ tha. Na main us ladki se shikwa karne aaya hoon, Na duniya ko uski galti batane... Main toh bas apne jazbaat, Kuch lafzon mein jeene aaya hoon… Aur haan… yeh mera pehla performance hai, Isliye agar lafz thoda kaap gaye… Toh samajh lena, ehsaas sacche hain… Shaayad aap bhi… kahin na kahin… Us ladke mein khud ko dekh paayein… 🎙️ Poetry Title: “Main Toh Sirf Tera Tha” Pehli baar jab dekha tha tumhein, Waqt ruk gaya tha, aur...
Post a Comment
Read more

Ek cup Chai Ki Kahani

Kahte hain na… kuch cheezein badi mamuli si lagti hain, par unke bina zindagi adhoori si lagti hai. Mere liye… wo cheez hai – ek cup chai. Jab pehli baar ghar chhoda tha na… ghar se door, ek ajnabi sheher mein – har subah ki shuruaat ajnabi lagti thi, par wahi canteen wale bhaiya ki adrak wali chai... dheere dheere us sheher ko apna bana gayi. Chai sirf swaad nahi deti... saath deti hai. Kabhi tapakti baarish mein, chhat par baithkar...cup haath mein aur khayalon mein wo shakhs… jo ab door hai, par har chai ki chuski mein aaj bhi maujood hai. Kabhi college ki canteen Mein, jab jeb mein paise kam hote the, par dost bolte the – "Abey chhod, ek chai meri taraf se!" Wo chai… dosti ka doosra naam thi. Aur maa? Maa ki banayi subah ki pehli chai… bas usmein shakkar nahi… mamta ghuli hoti thi. Aaj bhi jab thak kar aata hoon… toh chai mujhe gale lagati hai. Kahti hai – "Chal baith, aaj phir se thoda jee lete hain." Chai… wo khamosh sa rishta hai, jo har mod par saath deta ha...
Post a Comment
Read more