Skip to main content

Wohi Insaan chahiye

Introductory Monologue:

Kabhi socha hai… Kisi se itni mohabbat karna,
Ki uske diye hue dard bhi apne lagne lage… 

Ki woh thukraaye, jaleel kare…
Phir bhi dil ussi ke liye dhadke?

Aaj main jo likh kar laya hoon,
Woh un logon ke liye hai —
Jo pyaar mein haar jaate hain…
Par wafadar rehna nahi chhodte...


Jinke liye "self-respect" ek din ka gham hota hai,
Par uss insaan ka pyaar...
Saari zindagi ka armaan ban jaata hai...

Ye kahani hai ek aise dil ki — Jo jaleel bhi hua,
Par jise chaha, Bas usi se wafadar raha…

---
✍️ Poetry Starts:
Woh shaks bhi ajeeb tha,
Khud se zyada usse maanta tha,
Jo roz-roz beizzat karta tha,
Phir bhi usi ki baat maan lete tha...

Na shikayat thi, na koi shart,
Bas ek hi jazba tha — bekhauf mohabbat.

Log kehte the: “Kya milta hai is sab mein?”
Woh kehta tha:
“Uski ek muskaan... kaafi hai zinda rehne ke liye.”

Woh har us din ko bhi pyaar kehte tha,
Jis din usse khamoshi ka tohfa mila ho...


Woh har uss baat par bharosa karta tha,
Jo jhooth hoke bhi... uski zubaan se nikalti thi...

Raat ke 3 baje tak jaagta tha,
Khud ko samjhata tha,
Aur subah ek muskaan pehn kar
Wapas wahi wafadar shaks ban jaata tha.

Doston ne chhod diya,
Apno ne samjhane se haath utha liya,
Par uska dil…
Wahi ek naam dobara likhne se kabhi nahi thaka...

Usne toh khud ki khushi bhi bech di thi,
Sirf us ek shaks ki aankhon mein
Khushi dekhne ke liye…

Woh nafrat bhi milti thi usi se,
Aur dua bhi woh usi ke naam ki maangta tha...

Kitna loyal hoga na woh shaks...
Jise itna jaleel hone ke baad bhi,
Sirf “wahi insaan chahiye” hota hai…

Woh dard mein bhi wafadari dhoondta tha,
Woh toh ek aise school ka student tha,
Jahan “chhod dena” kabhi syllabus mein tha hi nahi...

Har baar rota tha — lekin dil se nahi,
Aankhon se...
Taaki koi dekh le aur pooch le:
“Kya hua?”
Shayad koi woh poochta —
Jise woh chaahta tha...


✨ Closing Verse (Pause. Soft tone):
Aaj bhi...
Uske dil ke kone mein ek jagah khaali hai,
Na koi aur usmein basa,
Na basne diya...

Kyuki usne sirf ek baar pyaar kiya tha...
Aur us pyaar ka naam tha —
“Wahi Insaan”

Comments

Post a Comment

Popular posts from this blog

Mujhe aaj ke generation wala pyaar karna hi nahi aata

Kabhi kabhi main khud se poochhta hoon… "Main galat hoon kya?" Kya main hi pyaar ko galat tareeke se samajhta hoon? Lekin phir dil ke kisi kone se awaaz aati hai – "Nahi… tu bas thoda alag hai." Dekho na… Main toh uss generation se hoon jahan ek 'Hi' se rishta shuru hota tha, aur ek 'tum hi ho' tak pohochne mein waqt lagta tha… Aaj toh 'seen' hone mein hi sab kuch khatam ho jaata hai. Ek baar hua tha… Kisi ko dil se chaha, waada kiya tha ki chhodenge nahi… Par kuch mahine baad usne kaha, “Tu acha hai, par ab feel nahi aati.” Aur main bas chup raha. Shayad us waqt samjha… mujhe aaj ke generation wala pyaar karna hi nahi aata. Kyunki main toh ek ke saath rehna chahta hoon, aur ye log… har naye emotion ke liye naya insaan dhoond lete hain. Main rishte nibhaane mein vishwas karta hoon, ye log toh delete chat karne mein expert ho gaye hain. Main yaadon mein jeeta hoon, ye log toh stories expire hone ke sath feelings bhi expire kar dete hain. Toh h...
Post a Comment
Read more

Main toh sirf tera tha…

Tune jo na kaha Main woh sunta raha Khamakha bewajah khwaab bunta raha Jaane kiski humein lag gayi hai nazar Is shehar mein na apna thikana raha..  Kabhi kabhi na… kuch log tumhari zindagi ka hissa toh bante hain, lekin kahani ka nahi… A boy proposes, she rejects, but he always loved her. 🎤 Introductory Monologue: Kuch pyaar adhure hote hain, lekin unka ehsaas zindagi bhar rehta hai... Aaj jo kahani main sunane ja raha hoon, Woh ek aise ladke ki hai jisne dil se chaha, Dil se socha… aur dil se nibhaaya... Lekin uske pyaar ka anjaam – ek ‘ na ’ tha. Na main us ladki se shikwa karne aaya hoon, Na duniya ko uski galti batane... Main toh bas apne jazbaat, Kuch lafzon mein jeene aaya hoon… Aur haan… yeh mera pehla performance hai, Isliye agar lafz thoda kaap gaye… Toh samajh lena, ehsaas sacche hain… Shaayad aap bhi… kahin na kahin… Us ladke mein khud ko dekh paayein… 🎙️ Poetry Title: “Main Toh Sirf Tera Tha” Pehli baar jab dekha tha tumhein, Waqt ruk gaya tha, aur...
Post a Comment
Read more

Ek cup Chai Ki Kahani

Kahte hain na… kuch cheezein badi mamuli si lagti hain, par unke bina zindagi adhoori si lagti hai. Mere liye… wo cheez hai – ek cup chai. Jab pehli baar ghar chhoda tha na… ghar se door, ek ajnabi sheher mein – har subah ki shuruaat ajnabi lagti thi, par wahi canteen wale bhaiya ki adrak wali chai... dheere dheere us sheher ko apna bana gayi. Chai sirf swaad nahi deti... saath deti hai. Kabhi tapakti baarish mein, chhat par baithkar...cup haath mein aur khayalon mein wo shakhs… jo ab door hai, par har chai ki chuski mein aaj bhi maujood hai. Kabhi college ki canteen Mein, jab jeb mein paise kam hote the, par dost bolte the – "Abey chhod, ek chai meri taraf se!" Wo chai… dosti ka doosra naam thi. Aur maa? Maa ki banayi subah ki pehli chai… bas usmein shakkar nahi… mamta ghuli hoti thi. Aaj bhi jab thak kar aata hoon… toh chai mujhe gale lagati hai. Kahti hai – "Chal baith, aaj phir se thoda jee lete hain." Chai… wo khamosh sa rishta hai, jo har mod par saath deta ha...
Post a Comment
Read more